ანა მარკოზაშვილი

ანა ანიმაციის ვიზუალური განვითარების მენტორია. მისი ისტორია ძალიან საინტერესოდ განვითარდა, მარკეტინგის ექვსწლიანი კარიერა 2D ანიმაციაში გადმოსასვლელად დატოვა და უკვე შვიდი წელია სტუდია ანიმატორთან თანამშრომლობს. აქვს მოკლემეტრაჟიანი, სრულმეტრაჟიანი და სერიალის ფორმატის 2D ანიმაციების არტ დირექციის გამოცდილება.

თითოეული ეტაპი 2D ანიმაციაში, იქნება ეს პერსონაჟის დიზაინი, გარემო, რაშიც ის იმოძრავებს თუ სტილი, რომლითაც დამუშავდება - მოითხოვს განსხვავებული ხატვის ფუნდამენტების ცოდნას და პრაქტიკაში გადმოტანას. ანიმაციის მხატვრობას აქვს ძალიან ბევრი საინტერესო მიმართულება და რაც მეტად გაერკვევით თითოეულში, მით უფრო მრავალფეროვანი დასაქმების შესაძლებლობები ჩნდება.

ანა დაგეხმარებათ კურსის განმავლობაში გააცოცხლოთ თქვენი პერსონაჟები, დაადიზაინოთ მათზე მორგებული სახასიათო გარემო და თქვენს პერსონალურ მიზნებზე მორგებული VisDev პორტფოლიო ააწყოთ.

ანასთვის დამახასიათებელია თითოეულ სტუდენტთან ინდივიდუალური მიდგომა და ძალიან კონკრეტული, პრაქტიკული, რჩევების მიცემა.