გენერაციული AI და კონტენტის შექმნა

კურსის ხანგრძლივობა: 10 კვირა

კურსის აღწერა: კურსი წარმოადგენს პრაქტიკულ სასწავლო პროგრამას, რომლის მიზანია სტუდენტებს ჩამოუყალიბოს საბაზისო ცოდნა და სამუშაო უნარები გენერაციული ხელოვნური ინტელექტის გამოყენებით ხარისხიანი ფოტო, ვიდეო და ხმოვანი კონტენტის შესაქმნელად.

პროგრამა ორიენტირებულია არა მხოლოდ ინსტრუმენტების ტექნიკურ გამოყენებაზე, არამედ იმაზე, თუ როგორ გარდაიქმნება იდეა კონტროლირებად, ერთიან სტილში შესრულებულ და პროფესიონალურ ვიზუალურ პროდუქტად, რომელიც რეალურად გამოიყენება თანამედროვე ვიზუალურ კომუნიკაციაში.

კურსი ეფუძნება Visual Fragments-ის სამუშაო მიდგომას, სადაც AI განიხილება როგორც კრეატიული ინსტრუმენტი, რომელიც აჩქარებს პროცესს და ზრდის ვარიაციებს, თუმცა საჭიროებს მკაფიო მიზანს, გემოვნებასა და კონტროლს.

პროგრამა ასწავლის გენერაციული AI-ის გამოყენების კრეატიულ საფუძვლებსა და ზოგად ინდუსტრიულ სამუშაო პრინციპებს. Visual Fragments-ის შიდა საწარმოო სისტემები, პროპრიეტარული პრომპტ-ბიბლიოთეკები და კლიენტებთან მუშაობის კონკრეტული მეთოდოლოგიები კურსის ფარგლებში არ განიხილება და არ გადაეცემა.

ვისთვის არის კურსი: კურსი განკუთვნილია მათთვის, ვისაც სურს გენერაციული ხელოვნური ინტელექტის გამოყენება პრაქტიკულად, მიზანმიმართულად და ხარისხზე ორიენტირებული მიდგომით, თანამედროვე ვიზუალური კომუნიკაციის კონტექსტში.

პროგრამა განსაკუთრებით სასარგებლოა, თუ ხართ:

• კონტენტ-კრეატორი: რომელიც ქმნის ვიზუალურ მასალას სოციალური მედიისა და ციფრული პლატფორმებისთვის და სურს პროცესის დაჩქარება ხარისხის შენარჩუნებით.
• მარკეტინგისა და ბრენდინგის სპეციალისტი: რომელიც მუშაობს კამპანიებზე და საჭიროებს იდეის სწრაფ გარდაქმნას პროფესიონალურ, სტილისტურად გამართულ კონტენტად.
• დიზაინერი, კრეატიული მიმართულების დამწყები ან სხვა: რომელიც ავითარებს ვიზუალური თხრობის უნარს, აწყობს პორტფოლიოს და სწავლობს

კურსის განმავლობაში გამოყენებული პროგრამები: Gemini, Kling ai, Midjourney, Suno, ElevenLabs, Flux, Nano banana, Veo 3. კურსის ღირებულება არ მოიცავს საჭირო პროგრამებს.

მინიმალური მოთხოვნები: კურსში მონაწილეობისთვის სპეციალური პროფესიონალური გამოცდილება საჭირო არ არის. პროგრამა სტრუქტურირებულია ისე, რომ დამწყებ მონაწილეებსაც შეეძლოთ პროცესში მარტივად ჩართვა და ეტაპობრივად პრაქტიკული უნარების განვითარება.

სასწავლო მოდულები აგებულია პროგრესული პრინციპით: სტუდენტები ნაბიჯ-ნაბიჯ ეცნობიან გენერაციული AI-ის ინსტრუმენტებს, სწავლობენ მათი გამოყენების ლოგიკას და თანდათან გადადიან უფრო კომპლექსური ვიზუალური და აუდიო-ვიდეო ამოცანების შესრულებაზე.

• სასურველია (მაგრამ არა აუცილებელი): ვიდეომონტაჟის საბაზისო ცოდნა (CapCut, Premiere Pro ან სხვა პროგრამა).
• ასევე სასურველია: ინგლისური ტერმინების ზოგადი გაგება, რადგან ინსტრუმენტების უმეტესობა ინგლისურ ინტერფეისზე მუშაობს.

სწავლების ფორმატი: ონლაინ შეხვედრები