ანიმაციის ვიზუალური განვითარება

კურსის მიზანია ვიზუალური განვითარების ყოველი ეტაპის (ბრიფის განხილვა, სტილის შერჩევა, პერსონაჟის დიზაინი, პერსონაჟის როტაცია, ნივთების დიზაინი, ინტერიერის და ექსტერიერის დიზაინი, ა.შ.) საფუძვლიანად შესწავლა. კურსის ფარგლებში სტუდენტები შექმნიან ციფრულ ნახატებს თითოეული მიმართულებით, გავლილი მაგალითებისა და სავარჯიშოების საფუძველზე. შედეგად ყოველი სტუდენტი მიიღებს მის ინდივიდუალურ საჭიროებებზე, კარიერულ მიზნებზე და გემოვნებაზე მორგებულ პროფესიონალურ პორტფოლიოს Visual Development-ში.

კურსის განმავლობაში გამოყენებული პროგრამები:

Adobe Photoshop ან ნებისმიერი ციფრული სახატავი პროგრამა, რომელსაც აქვს PSD ფაილების ექსპორტის საშუალება (მაგ: Procreate, Krita, Clip Studio). კურსის ფარგლებში პროგრამის ფუნქციონალს გავივლით ფოტოშოპის მაგალითზე.

მინიმალური ტექნიკური მოთხოვნები:

ციფრული ხატვისთვის კომპიუტერის და სახატავი პლანშეტის ნებისმიერი კომბინაცია, ან iPad სახატავი კალმით, ან ნებისმიერი სხვა Android პლანშეტი სახატავი კალმით.

კურსის დაკომპლექტება მოხდება გამოგზავნილი პორტფოლიოს საფუძველზე (ციფრული ნახატების შემთხვევაში AI-ით დაგენერირებული ნამუშევრები არ მიიღება). 

პრერეკვიზიტები:

კურსის სპეციფიკიდან გამომდინარე, აუცილებელია ხატვის და სამხატვრო ფუნდამენტური უნარების საშუალო დონეზე ცოდნა.

სწავლების ფორმატი: ონლაინ შეხვედრები